 |
|
|
 |
Abeleira, Xoán (enviar correo)
Xoán Abeleira (Maracay, Venezuela) é fillo de emigrantes galegos. Viviu en Venezuela ata os dez anos, época na que a súa familia decide volver a España. Tras máis de vinte e cinco anos en Madrid, onde xa empezara a ser recoñecido non só como poeta, narrador e tradutor, senón como músico e xornalista, establécese na Coruña, onde reside dende 1999. Como poeta publicou as seguintes obras en castelán: “Umbral del centinela”, “Identidades” e “Nueve motivos para un obsequio”. Como poeta en galego publicou: “Animais, Animais” (2001) e “Magnalia” (2001). A serie “As aventuras de Nunavut”, publicada por Xerais e ilustrada por Jacobo Fernández Serrano, é a súa primeira incursión na narrativa infantil galega. Dentro desta serie publicou: “O nacemento de Nunavut” (Xerais 2003), “Un día de caza” (Xerais 2003), “O caribú namorado” (Xerais 2004) e “Sedna, a deusa do mar” (Xerais 2005). Publicou, ademais, “A pegada de Man” (Xerais 2006), primeira achega ao estudo do percorrido biográfico e artístico de Manfred Gnädinger, o chamado “alemán de Camelle”.
|
| |
|
|
|