En palabras do autor con esta novela
"pretendo facer unha reflexión sobre a reconstrucción dos feitos (verídicos ou imaxinados) en literatura e en xornalismo, así que partín dun caso posible de corrupción política para que un xornalista, Rodrigo Albán, nos contase a historia. El escribe un libro de encarga, un libro mercenario, sobre uns feitos acaecidos un ano antes e que remataron co suicido dun político de segunda fila no cárcere".
A novela, enmarcada no xénero negro, anque con variantes estilísticas que rompen coa convención obxectivista da prosa habitual neste tipo de literatura, é unha meditación sobre a inocencia, narrada cun estilo duro e directo, por momentos mesmo desapainoxado e cruel, no que destaca a aparición do diálogo como un dos recursos máis adecuados para aproximar ó lector a actualidade viva da materia novelada. A todas luces, unha obra moi recomendable.
Á DE MOSCA: Cocaína en estado moi puro, segunda en calidade tras a pasta de coca; chámaselle así porque adoita cristalizar, e as lascas son moi parecidas aos élitros dos insectos.
XANO: Figura mitolóxica que se representa con dúas caras. Nos primitivos servicios españois de información (eles detestan que se lles chame <>), os arquivos Xano contiñan documentación sobre a <> de políticos, militares, banqueiros, xornalistas e outras personalidades da pomada.
Hoxe en día eses arquivos agachan moitos máis datos e de moita máis xente, están microfilmados e coñécense por un nome moito menos poético.
